Баянзүрх дүүргийн Газар зохион байгуулалтын албаны нэгдүгээр хэсгийн эрх бүхий албан тушаалтнууд болох Д.Отгонбаяр, Ц.Отгонбямба нарыг Авилгатай тэмцэх газраас шалгаж эхэлжээ.
Тухайлбал, ахлах мэргэжилтэн Ц.Отгонбямба, газар зохион байгуулагч Д.Отгонбаяр нь өрхийн хэрэглээний 0,07 газар эзэмших хүсэлтийг удаан хугацаагаар дарагдуулж шийдвэрлээгүй, өргөдөл гаргаагүй хүмүүст олгосон байна. Тодруулбал, Улиастайн ам, Гацуурт, Шар хоолойн аманд тухайн жилийн төлөвлөгөөг үндэслэн иргэн хуулийн этгээдэд өрхийн хэрэглээнд 0.07 га газар хүссэн иргэдийн өргөдлийг хуулийн хугацаанд шийдвэрлэлгүй дарагдуулж, хүсэлт гаргаагүй хүмүүст олгожээ. Тиймээс тэдэнд АТГ-аас эрүүгийн хэрэг үүсгэн шалгаж эхэлжээ.
