Украины сөрөг довтолгоог дөрөвдүгээр сарын 30-нд хийхээр төлөвлөжээ. Энэ тухай Америкийн "Newsweek" сэтгүүл сүлжээнд нэвтэрсэн нууц баримтуудаас иш татан мэдээлэв.
"Хэдийгээр Украинд гадаадаас хүргэх цэргийн тусламжийн ерөнхий тойм, онцлог тодорхой байгаа ч 2023 оны дөрөвдүгээр сарын 30-нд хийхээр төлөвлөж буй хаврын сөрөг довтолгоо гэхэд нийлүүлэлт үндсэндээ хэрэгжиж дуусахыг баримт бичиг харуулж байна" гэж тайланд дурджээ.
Нууц мэдээллээр бол довтолгоог АНУ болон холбоотнуудын зэвсэглэлээр хангаж байгаа есөн бригадаас бүрдсэн Украины 10-р шуурхай корпус хийх юм байна.
Дөрөвдүгээр сарын 15-нд Украины Ерөнхий сайд Денис Шмигал Вашингтонд үг хэлэхдээ, Украины сөрөг довтолгоо "ойрын ирээдүйд" эхэлнэ, АНУ Украины дэглэмийг туйлын дэмжиж байна гэж мэдэгдсэн юм.
Харин энэ тухайд Киев АНУ-д Украины довтолгооны талаар мэдээлэл байхгүй гэж мэдэгдээд байна.
Эх сурвалж:Лента.ру
