“Хөтөл цемент шохойн үйлдвэр” ХК-ийн захирал Л.Наранбаатарын гэр болон албан өрөөнд нэгжлэг хийж байгаа талаар эх сурвалж мэдээллээ. Тодруулбал, хууль хяналтын байгууллагаас томилогдсон мөрдөгчид Дархан хотод ажиллаж, Л.Наранбаатарын түрээсэлдэг орон сууц, “Хөтөл цемент шохойн үйлдвэр” ХК-ийн албан өрөөнд нэгжлэг хийж байгаа аж.
Эх сурвалжийн мэдээлснээр Л.Наранбаатарыг эрх мэдэл, албан тушаалын байдлаа урвуулан ашиглаж, өөртөө давуу байдал олгож, их хэмжээний хохирол учруулж, төсвийн хөрөнгийг зориулалтын бусаар зарцуулж, Дархан хотод үнэтэй байр түрээсэлж, ханган нийлүүлэгч компаниас 20 сая төгрөгийн хахууль авсан байж болзошгүй байгаа юм байна. “Хөтөл цемент шохойн үйлдвэр” ХК-ийн захирал Л.Наранбаатар нь хувийн зардалдаа 6.4 сая, уул тахиж, бумбын баярт оролцоход 5.9 сая, “Хөтөлийн цемент шохой" ТӨХК-ийн 2022 оны санхүүгийн тайланд аудитын байгуулагаас сөрөг дүгнэлт гаргасан байдаг. Ингэхдээ Төрийн хэмнэлтийн тухай хуулийг хэрэгжүүлж ажиллаагүй, үйл ажиллагааны төлөвлөгөөнд тусгагдаагүй үргүй зардал гаргасан зэрэг олон асуудал сөхөгдсөн билээ.
