Монголын сагсан бөмбөгийн үндэсний дээд лигийн аваргын цувралын дөрөв дэх тоглолтууд өчигдөр “UG” аренад боллоо. Улирлын эхэнд таамаглаж байсны дагуу Эрдэнэтийн Уурхайчид баг нэг ч ялагдалгүй хожсоор аварга болж, Ерөнхийлөгчийн нэрэмжит цомын анхны эздээр тодроод зогсохгүй багийнхаа түүхэн дэх анхны түрүүг хүртлээ.
"Эрдэнэт Майнерс" багийн ахлагч Т.Санчир "Аварга болсонд маш их баяртай байна. Эрдэнэт Майнерсийг үргэлж дэмжсэн тоглолт бүрийг алгасахгүй үздэг үнэнч галзуу фанатууддаа бас баяр хүргэе. Эрдэнэс Майнерсийн бүх арын албаныханд болон дэмждэг хүмүүс багийнхан дасгалжуулагч нартаа хэлэхэд та нарын бүгдийнх нь хүч хөдөлмөр шингэсэн шүү. Хамгийн гол нь энэхүү аваргыг тэнгэрээс харж байгаа ээждээ зориуллаа" гэж баярын сэтгэгдлээ хуваалцсан юм.
Тэрбээр лигийн дөрвөн удаагийн аварга болж байгаа юм байна.
