Бямба гарагаас ням гаригт шилжих шөнө Герман улс тус улсад үлдсэн атомын гурван цахилгаан станцаа эрчим хүчний сүлжээнээс салгав. Ингэснээр тэд атомын цахилгаан станцтай салах ёс гүйцэтгэж буй хэрэг.
Барууны зарим орнууд, тэр дундаа Франц эсрэгээрээ агаар мандалд хортой ялгаруулалтыг бууруулж, цахилгаан эрчим хүчийг хямдруулах, Оросын эрчим хүчний хараат байдлыг бууруулах итгэл найдвараар цөмийн эрчим хүчний хөрөнгө оруулалтаа нэмэгдүүлж байгаа энэ үед Берлин эсрэгээрээ ийм алхам хийж хийж байна.
Олон жилийн өмнө буюу газар хөдлөлт, цунамийн улмаас Японы Фукушима атомын цахилгаан станцад осол гарсны дараа Герман бүх атомын цахилгаан станцуудаа 2022 он гэхэд хаах шийдвэрийг гаргасан нь ийн биеллээ олж байгаа хэрэг юм.
Байгаль орчны идэвхтнүүд болон эрх баригч эвслийн Ногоон намынхан цөмийн станцын аюул, цацраг идэвхт хаягдлыг хадгалахтай холбоотой асуудлуудыг хөндөж, 2022 он гэхэд АЦС-ыг хаахыг шаардаж байсан юм.
Гэсэн хэдий ч олон Германчууд, мөн олон нийтийн санал асуулгаас харахад тэдний ихэнх нь үүнийг алдаа гэж үздэг. Учир нь цөмийн станцууд нь нүүрс, мазут, тэр ч байтугай хийн үйлдвэрүүдээс илүү цэвэр мөн хямд байдаг. 1997 онд атомын цахилгаан станцууд Германы цахилгаан эрчим хүчний хэрэгцээний 30,8 хувийг хангаж байв.
Нөгөөтэйгүүр атомын цахилгаан станцыг хаах санааг Германд дэмжсэн нь цөмийн зэвсгийн эсрэг хүчтэй лоббитой холбоотой. Гэсэн хэдий ч цөмийн эрчим хүчийг эцэслэн татгалзах эцсийн хугацааг 2022 оны эцсээс 2023 оны 4-р сар хүртэл шилжүүлэх шаардлагатай болсон нь Украинд Оросын цэрэг довтолсны дараа Оросын байгалийн хийн нийлүүлэлт огцом буурч, Кремлийн эсрэг хориг арга хэмжээ авсантай холбоотой юм.
Үүнээс улбаалан Берлин цахилгаангүй үлдэхгүйн тулд атомын цахилгаан станцуудын ашиглалтын хугацааг уртасгах төдийгүй нүүрсээр ажилладаг хэд хэдэн цахилгаан станцыг дахин ажиллуулах шаардлагатай болсон юм.
Тус улсын Эдийн засаг, цаг уурын сайд, Ногоон намын орон тооны бус дарга Роберт Хабек 2030 он гэхэд Герман улс эрчим хүчнийхээ 80 хүртэлх хувийг сэргээгдэх эх үүсвэрээс үйлдвэрлэх ёстой гэж мэдэгджээ.
Эх сурвалж: ВВС
