АНУ-ын Агаарын үндэсний гвардийн тагнуулын албаны ажилтан 21 настай Жек Тейшейр Пентагоны их хэмжээний нууц баримт бичгүүдийг задруулсан хэрэгт сэжиглэгдэн саатуулагдаад байна. Украйны дайн болон үндэсний аюулгүй байдлын бусад асуудлуудыг багтаасан Пентагоны мэдээллүүдийг АНУ-ын сүүлийн 10 жилд нууц нь алдагдсан хамгийн том баримт бичиг гэж тодотгож байна.
Хэргиийн эзэн Тейшейрагийн найзууд түүнийг улс төр ч биш, мэдээлэгч ч биш гэжээ Тэгвэл яагаад бага тушаалын нисгэгч ямар ч тодорхой сэдэлгүйгээр маш эмзэг баримт бичгийг онлайнд байршуулах болов.
21 настай Жек Тейшера нь Массачусетс муж дахь АНУ-ын Агаарын үндэсний гвардийн 102-р тагнуулын ангийн ажилтан юм. Тэрээр 2019 онд кибер тээврийн системийн мэргэжилтнээр ажилд оржээ. Харин 2022 оны 7-р сард 1-р зэрэглэлийн нисэгч болсон.
Карьерынхаа эхэн үед Тейшейра нууц мэдээлэлд нэлээд өндөр түвшний хандалттай байсан бөгөөд үнэн хэрэгтээ тэрээр цэргийн харилцаа холбооны сүлжээ, тэдгээрийн хамгаалалтыг хариуцдаг мэдээллийн технологийн мэргэжилтэн байсан.
Тэр зэвсэг, олон улсын сэдвийг сонирхдог
"Нью-Йорк Таймс" сонинд бичсэнээр, Тейшейра чөлөөт цагаараа T"hug Shaker Central" хэмээх 20-30 хүний бүрэлдэхүүнтэй жижиг онлайн бүлгийг удирдаж байсан бөгөөд түүний гишүүд нь ихэвчлэн зэвсэг сонирхдог нийтлэг дээр нэгдсэн залуучууд, өсвөр насныхан байдаг.
Энэ бүлэг нь тоглоомчдын дунд алдартай "Discord" платформ дээр харилцдаг байсан бөгөөд Пентагоны хэдэн арван нууц баримт бичгийг түүн дээр байрлуулжээ. Тейшейра тэнд OG нууц нэртэй байв.
Чатад оролцогчдын нэг нь Тейшейраг залуухан, дур булаам гэж дүрсэлжээ. Жек 21-хэн настай ч бүлгийнхээ гишүүдийн ихэнхээс арай ахмад нь байсан бөгөөд тэднийг гайхшруулахыг эрэлхийлдэг байжээ. Тэр бүлгийнхээ залуучуудад олон улсын улс төр, засгийн газрын далд үйл ажиллагааны талаар тэдэнд мэдлэг олгох сонирхолтой байсан гэж "The Guardian"-д дурджээ.
"Энэ залуу эелдэг христийн шашинтай, дайныг эсэргүүцдэг хүн шиг санагдсан. Тэр зүгээр л найзууддаа дэлхий дээр болж буй үйл явдлын талаар мэдүүлэхийг хүссэн" гэж бүлгийн гишүүдийн нэг хэлжээ
"Ассошиэйтед Пресс" агентлагийн мэдээлснээр тус бүлгийн гишүүд Украины дайны талаар ярилцаад зогсохгүй олонтаа хамтдаа залбирдаг байжээ.
Чатад оролцогчдын ярьснаар Жак "Thug Shaker Central" онлайн группт нууц бичиг баримт нийтэлж эхлэхэд хэн ч уншиж, сэтгэгдэл бичихгүй байгаад маш их бухимдсан, нууцын зэрэглэлтэй баримт бичгүүдээс илүү YouTube-ийн видеог сонирхож байна гэж онлайн найзуудаа зэмлэж байжээ.
"Тэр гомдоод, хэрэв та нар эдгээр файлыг үл тоомсорловол би байршуулахаа болино гэж удаа дараа хэлсэн" гэж тус бүлгийн нэгэн гишүүн ярьжээ.
"Хулиган биш, жирийн нам гүм хүн"
Тейшейрагийн гэр бүл цэргийнхэнтэй холбоотой. Хойд эцэг нь 34 жил армид алба хаасан бөгөөд ээж нь мөн ахмад дайчдад тусалдаг ашгийн бус байгууллагад ажилладаг байжээ.
The Guardian сонинд бичсэнээр, Тейшейрагийн ээж Дон одоо Дейтон хотод цэцгийн дэлгүүр эзэмшдэг. Дейтон бол Бостоноос урд зүгт нэг цаг явж очдог 8000 хүн амтай жижиг хот юм. Жак энэ хотын сургуульд сурдаг байсан.
Тейшейратай хамт сургуульд сурч байсан 22 настай Эдди Соуза хуучин ангийнхаа найзыг нууц мэдээлэл хулгайлж задруулсан хэрэгт сэжигтнээр татсанд гайхаж байгаагаа Ройтерс агентлагт ярьжээ.
"Тэр бол сайн хүн, хулигаан биш, харин жирийн нам гүм хүн" гэж Соуза хэлээд "Энэ бүхэн бүтэлгүйтсэн хүүхдийн заль мэх шиг харагдаж байна."
Гэр бүлийн хөршүүд Жекийг видео тоглоомонд дуртай байсан гэж ярьдаг бол тэд түүнийг "ухаалаг сайхан залуу" гэж нэрлэдэг гэжээ.
Эх сурвалж: ВВС
