Японы Ерөнхий сайд Фумио Кишидаг Вакаяма боомтод болсон сонгуулийн сурталчилгааны цуглаан дээр үг хэлж байх үеэр жижиг дэлбэрэлт болжээ. Ерөнхий сайд гэмтээгүй, энэ нь утаат бөмбөг байсан бололтой.
Орон нутгийн хэвлэлд мэдээлснээр хэргийн газарт нэг хүнийг саатуулсан байна. Гэрчүүдийн хэлснээр хэн нэгэн Ерөнхий сайд руу юм шидэж, улмаар утаа гарч байхыг харсан, дараа нь дэлбэрэлт сонссон гэж хэлжээ. Азаар энэ үеэр гэмтэж бэртсэн тохиолдол гараагүй байна.
Цагдаа нар сэжигтний баривчилгааг баталгаажуулсан ч одоогоор ямар нэгэн тайлбар хийгээгүй байна.
Японы олон нийтийн NHK телевиз Ерөнхий сайд Кишида цагдаа нар энэ хэргийг шалгаж байгаа гэдгийг хэлж "Олон хүний санааг зовоосон" тул уучлалт гуйхыг хүсч байна гэжээ.
Юу болсон ч тэрээр амралтын өрүүдэд төлөвлөсөн ажлаа үргэлжлүүлнэ гэж хэлснийг орон нутгийн хэвлэлүүд мэдээлж байна.
Эрх баригч Либерал ардчилсан намын гишүүн Хироши Морияма "Ардчиллын үндэс болсон сонгуулийн кампанит ажлын үеэр ийм явдал болсонд харамсаж байна. Энэ бол уучилж болшгүй харгис явдал" гэжээ.
Японд ийм халдлага ховор тохиолддог ч улстөрчдийн аюулгүй байдлын талаар зарим нэг санаа зовоосон явдал гардаг. Үүний нэг жишээ нь өнгөрсөн жил Японы Ерөнхий сайд асан Шинзо Абэ өмнөд нутгийн Нара хотод үг хэлж байхдаа буудуулж амиа алдсан юм.
Эх сурвалж: ВВС
