Пүрэв гарагт ОХУ-ын Гадаад хэргийн яам өөрсдийн албан ёсны веб хуудаснаа “ОХУ ба Латин Америк: Ирээдүйн түншлэл болон хамтын ажиллагаа” гэсэн нийтлэлийг оруулжээ.
Тус нийтлэлд өгүүлснээр, “Дэлхий дахинаа улс орнууд гадаад худалдаандаа ам.долларыг хэрэглэхээс татгалзаж, барууныхны хараа хяналтаас гадуур тээвэр, логистик, банк, санхүү, эдийн засгийн харилцааны дэд бүтцийг бий болгохоор оролдож байгаа нь ердөө ч санамсаргүй хэрэг биш юм. Мэдээжийн хэрэг Латин Америк тэргүүтэй дэлхийн улс орнуудын дөрөвний гурав нь ОХУ-ыг эсэргүүцэх хоригийн арга хэмжээнд нэгдэхийг хүсээгүй. Бид тэдэнд талархаж байгаа” гэсэн юм.
Тийнхүү нийтлэлд мөн Гадаад хэргийн сайд Сергей Лавровын үгийг тусгасан нь, “Украин болон түүний эргэн тойронд болж буй бүх зүйл бол олон улсын дэг журам, дэс дарааг өөрчлөх гэсэн ирээдүйн тэмцлийн нэг хэсэг. Өнөөдөр хөндөгдөж буй асуудал бол дэлхийн улс орнуудын дэг журам, дэс дараа НҮБ-ын дүрэмд дурдсан шиг шударга, ардчилсан, олон төвт байх уу эсхүл АНУ болон тэдний хамсаатнууд өөрсдийн бодлогыг тулгасан байх уу гэдэг юм” гэжээ.
Эх сурвалж: ТАСС
