Үндэсний цэцэрлэгт хүрээлэнд "Таванбогд" компани "KFCLAND - Аз жаргалын хотхон" байгуулна гэж мэдэгдээд байгаа. Уг асуудалд иргэд шүүмжлэлтэй хандаж буй. Арга ч үгүй биз. Урин дулаан тэр дундаа зун цаг манай улсад маш богино үзэгдээд өнгөрдөг. Энэ хугацаанд хүүхэд залуус, өвгөд хөгшид дасгал хөдөлгөөн хийх, амарч зугаалах Улаанбаатар хотын цор ганц томоохон Үндэсний цэцэрлэгт хүрээлэнг урин цаг ирэхтэй зэрэгцэж ухаж орхих шийдвэрийг хувийн хэвшлийн компанид өгдөг Д.Сумъяабазар даргын мэдрэмжгүй шийдвэр үү эсвэл ашиг сонирхол уу. Урдаа байгаа бум түмэн асуудлаа бантан хутгаж орхичихоод хотын хамгийн тохитой хүрээлэнгээ цементээр тохижуулна гэх мэдрэмжгүй "ХОТЫН ДАРГА"-тай Улаанбаатарчууд.
