Их Британийн засгийн газар Оросын олигарх “Челси" клубын эзэн асан Роман Абрамович болон “Гангийн хаан" гэгддэг Алишер Усмановыг хөрөнгөө нуун дарагдуулахад тусалсан хүмүүст хориг арга хэмжээ авч буйгаа мэдэгдлээ.
Их Британийн Гадаад хэргийн яамны зүгээс орон нутгийн цагаар 12-ны өдөр мэдэгдсэнээр хориг арга хэмжээнд өртөөд буй Усманов болон Абрамовичийн хөрөнгийг нуун дарагдуулахад тусалсан Киприйн аралд хуульч мэргэжлээр ажилладаг хоёр хүний хөрөнгийг битүүмжилж, хилээр нэвтрэх эрхийг нь хориглох зэрэг хориг арга хэмжээ авч байгаагаа онцлон тэмдэглэсэн байна.
Тэдний үзэж байгаагаар тус хоёр хүн нь Абрамович болон бусад хүмүүст хориг арга хэмжээнд өртөхөөс зайлсхийхэд нь туслаад зогсохгүй оффшор данс, сүүдрийн компани болон гэр бүлийн гишүүдэд нь хүртэл тусалж, нарийн төвөгтэй санхүүгийн сүлжээнд эд баялаг, хөрөнгө мөнгөө нуух замыг нь зааж өгсөн хэмээн үзэж байгаа аж.
Түүнчлэн Их Британийн Гадаад хэргийн яам Усмановын эзэмшлийн USM компанийн хөрөнгийг царцаах зэрэг хориг арга хэмжээг аваад байгаа юм.
Эх сурвалж: SBS