НИЙСЛЭЛИЙН ЕРӨНХИЙ БОЛОВСРОЛЫН АМГАЛАН ЦОГЦОЛБОР СУРГУУЛЬ НЬ 2012 ОНООС БАГА АНГИЙН СУРАГЧДЫН ДУНД МОНГОЛ ӨВ СОЁЛЫГ ҮЛГЭРЭЭС СУРЧ МЭДЭХ, ТҮҮГЭЭРЭЭ БАХАРХАН ДЭЭДЛЭХ ЗОРИЛГОТОЙ “ҮЛГЭРИЙН ОРНООР АЯЛЦГААЯ” НААДМЫГ УЛАМЖЛАЛ БОЛГОН ЗОХИОН БАЙГУУЛСААР ЭНЭ ЖИЛ 10 ДАХ ЖИЛИЙНХЭЭ НААДМЫГ АМЖИЛТТАЙ ЗОХИОН БАЙГУУЛЛАА.
ЭНЭХҮҮ НААДАМ НЬ ТУС СУРГУУЛИЙН АХМАД БАГШ БТА М.ГАНТУУЛЫН НЭРЭМЖИТ БОЛДОГ БӨГӨӨД ДҮҮРГИЙН ТӨРИЙН БОЛОН ТӨРИЙН БУС ӨМЧИЙН СУРГУУЛИУДЫН ДУНД ЗОХИОН БАЙГУУЛАГДДАГ. УГ НААДАМД СУРАГЧДААС ГАДНА ЭЦЭГ ЭХ, АСРАН ХАМГААЛАГЧИЙН ТӨЛӨӨЛӨЛ, БАГШИЙН ТӨЛӨӨЛӨЛ ОРОЛЦДОГООРОО ОНЦЛОГТОЙ БА ЭНЭ ЖИЛИЙН НААДАМД БАЯНЗҮРХ ДҮҮРГИЙН 13 СУРГУУЛИЙН 130 ГАРУЙ АВЬЯАСЛАГ СУРАГЧ, БАГШ, ЭЦЭГ ЭХ ОРОЛЦОЖ ӨРСӨЛДӨӨНТЭЙ БОЛЖ ӨНГӨРЛӨӨ.
УГ НААДМЫН ШҮҮГЧЭЭР АРДЫН ЖҮЖИГЧИН ХАСАР ЖАГАА, ҮЙЛДВЭРЧНИЙ ЭВЛЭЛИЙН СОЁЛЫН ОРДНЫ МЕНЕЖЕР ПҮРЭВДОРЖ, ЖАНЖИН СОЁЛЫН ОРДНЫ МЕНЕЖЕР ЦЭЦЭГМАА НАР АЖИЛЛАА.
