Мягмар гарагт БНХАУ-ын Үндэсний Статистикийн хорооноос танилцуулснаар гуравдугаар сард тус улсын инфляцын түвшин сүүлийн 18 сарын хугацаан дахь хамгийн доод түвшинд хүрчээ.
Тоон баримтаас үзвэл, хэрэглэгчийн үнийн индекс хоёрдугаар сарын үзүүлэлтээс даруй 1 бүхэл хувиар буурсан байна. Энэ нь өнгөрөгч оны мөн үеийн хэрэглэгчийн үнийн индексээс ердөө 0.7 хувиар өссөн үзүүлэлт юм.
Харин үйлдвэрлэгчийн үнийн индекс гуравдугаар сард өнгөрөгч оны мөн үеийн үзүүлэлтээс 2.5 хувиар буурсан нь тус улсын үйлдвэрлэгчийн үнийн индекс сүүлийн зургаан сар тасралтгүй буурсан үзүүлэлт болж байгаа ажээ.
Үндэсний Статистикийн хорооны статистикч Дон Лижуаны хэлснээр, гуравдугаар сард Хятад дахь хэрэглэгчийн үнийн индекс буурсан нь үйлдвэрлэл, эдийн засгийн идэвхжил үргэлжилж, зах зээлийн нийлүүлэлт хангалттай байсантай холбоотой гэсэн бол үйлдвэрлэгчийн үнийн индекс буурсан нь үнэн хэрэгтээ өмнөх оны мөн үеийн үзүүлэлт өндөр байсантай холбоотой гэсэн юм.
Эх сурвалж: China Daily
