АНУ-ын Батлан хамгаалах яамны олон арван нууц баримт бичиг болох газрын зураг, график, гэрэл зургуудыг нийгмийн сүлжжэнд задруулаад байгаа.
Эдгээр баримт бичгийн зарим нь бүр "маш нууц" гэсэн ангилалд багтсан байжээ. Тэнд Украины дайны тухай нарийвчилсан зургийг графикууд болон цэргийн олон арван тодорхойгүй товчилсон үгсээр дүрсэлсэн байв. Мөн талуудын учирсан хохирол, цэрэг армийн эмзэг байдлын тухай, хамгийн чухал нь Украин хаврын сөрөг довтолгоогоо эхлүүлэх үеийн талаарх нарийн ширийн зүйл гэхчлэн.
Хэн нэгний хоолны ширээн дээр тавьж байгаад гэрэл зургийг нь авсан байж магадгүй эдгээр баримтууд нь 14 сарын өмнө Оросын түрэмгийлэл эхэлснээс хойш Украины дайны талаарх Америкийн нууц мэдээлэл алдагдсан хамгийн том тохиолдол болов. Зарим баримт бичгүүд дөнгөж зургаан долоо хоногт хүчинтэй боловч нууц задарсаны үр дагавар нь асар их юм.
Тодоттгоход, Пентагоны албаныхан уг баримт бичгүүдийг жинхэнэ гэж мэдэгдээд байгаа юм.
Тэдгээр баримт бичигт ойрын долоо хоногт эхлэх Украины сөрөг довтолгоонд зориулж арав орчим шинэ бригадыг бэлдэж буй, хэзээ бэлэн болох, цэргүүдийн сургалтын тухай мэдээлэл багтсан бөгөөд барууны холбоотнуудаас Украинд өгсөн бүх танк, хуягт машин, их бууны жагсаалтыг багтсан байв. Гэхдээ байлдааны бэлэн байдлын зэрэг нь цэргийн техник, техникийг нийлүүлэх хугацаанаас хамаарна гэж баримт бичигт тэмдэглэжээ.
Газрын зурагнуудын нэгэнд Украйны хар хөрсний хөлдөлтийн график орсон бөгөөд тус улсын зүүн хэсгийн хөрсний төлөв байдлаар хавар ойртож байгааг үнэлдэг.
Ил болсон баримтууд нь зөвхөн Украины зэвсэгт хүчний байдлын тухай төдийгүй Вашингтоны бусад холбоотнуудын тухай өгүүлж байгаа юм. Украины асуудлаарх дотоод мэтгэлцээний дэлгэрэнгүй мэдээлэл болон Израилаас Өмнөд Солонгос хүртэлх бусад эмзэг сэдвүүдийг багтаасан.
Эдгээр баримт бичгийн зарим нь "маш нууц" зэрэглэлд багтсан бол зарим нь зөвхөн Америкийн йрын холбоотнуудад тараагдах ёстой.
Баримт бичигт ил болсон хоёр талын хүн хүчний хохирлын талаарх мэдээлэлд дурдснаар Орос 189,500-223,000 хүн алагдаж, шархадсан гэсэн Америкийн тооцоолол байна.
Украины амь үрэгдэгсдийн тоо 124,500-аас 131,000-ийн хооронд байгаа нь сүүлийн долоо хоногт сэтгүүлчдэд танилцуулсан таамаглалтай нийцэж байна.
Гэхдээ энэ хоёр тохиолдолд мэдээлэл дутмаг, үйл ажиллагааны аюулгүй байдлын шалтгаанаар, мөн хоёр тал зориудаар мэдээллийг гуйвуулах гэсэн оролдлого зэргээс шалтгаалан эдгээр тоонд итгэх итгэл бага байгааг Пентагон тэмдэглэж байна.
Алдагдсан нууц эх сурвалж хараахан тогтоогдоогүй байна. Гэхдээ 3-р сарын эхээр тоглоомчдын дунд түгээмэл хэрэглэгддэг мессежийн платформ дээр Украины дайны талаар маргаан гарсны дараа нэг хэрэглэгч: "Энд задруулсан нууц баримт бичгүүд байна" гэж бичээд 10 баримт бичгийг задруулжээ.
Энэ бол нууцыг задруулах ер бусын, гэхдээ бараг өвөрмөц хэлбэр юм. Гэхдээ одоогийн задруулалт илүү мэдрэмтгий бөгөөд илүү аюултай болж хувирав.
Украин "үйл ажиллагааны аюулгүй байдлаа" хичээнгүйлэн хамгаалдаг бөгөөд Киевт ийм онцгой шинж чанартай материалууд ийм чухал цаг мөчид олон нийтийн хүртээл болсон нь тун хүнд цохилт болж байгаа нь гарцаагүй.
Украины хаврын эсрэг довтолгоо нь Владимир Зеленскийн засгийн газрын тулалдааны талбар дахь динамик байдлыг өөрчилж, ирээдүйн энхийн хэлэлцээний үе шатыг бий болгох чухал мөч болж магадгүй юм.
Гэхдээ тайвшрах нэг зүйл гэвэл одоог хүртэл задруулсан баримт бичиг дунд Украины сөрөг довтолгооны чиглэл, зорилгыг харуулсан зүйл байхгүй байгаа юм.
Эх сурвалж: ВВС