Хөлөг онгоц тээгч TCG Anadolu
Турк улс байлдааны нисгэгчгүй онгоцонд зориулагдсан дэлхийн анхны нисэх онгоц тээгч "TCG Anadolu" хөлөг онгоцыг ашиглалтад оруулав. Өчигдөр буюу дөрөвдүгээр сарын 10-нд Ерөнхийлөгч Режеп Тайип Эрдоган нисэх онгоц тээгч хөлөг онгоцыг зэвсэгт хүчиндээ хүлээлгэн өгөх ёслолд оролцсон юм.
Энэхүү хөлөг онгоц нь хөнгөн нисэх онгоц тээгчийн үүрэг гүйцэтгэх боломжтой олон талт десантын хөлөг юм.
Хөлгийн тавцан нь 10 нисдэг тэрэг, 11 нисгэгчгүй онгоц байрлах боломжтой бөгөөд харин ангарт нь 19 нисдэг тэрэг, 30 нисэгчгүй нисэх онгоц /дрон/ багтана.
Одоо хөлгийн тавцан дээр Baykar Makina комданид үйлдвэрлэсэн "Bayraktar TB3" болон "Kızılelma" нисгэгчгүй онгоцууд, түүнчлэн "AH-1W Super Cobra" байлдааны нисдэг тэргийг аль хэдийн байрлуулаад байна.
"Anadolu" хөлөг онгцыг анх 2019 онд усанд тавьсан бөгөөд хүлээн авах туршилт 2022 оны зун дууссан юм.
Эх сурвалж: Сentralasiamedia