УИХ дахь АН-ын бүлгийн хурлаар хэлэлцсэн асуудлуудын талаар О.Цогтгэрэл болон бусад гишүүд мэдээлэл хийлээ.
АН-ын бүлэг Монгол Улсын Ерөнхийлөгчийн өргөн барих гэж буй Улстөрийн намын тухай хуулийн төсөлд ямар санал өгөх вэ гэдэг дээр өнөөдөр ярилцсан байна. Монгол Улсад улс төржилт маш их болсон. Сонгуулийн насны 7 хүн тутмын нэг нь аль нэг намын гишүүн байна. Иймд улс төрийн намыг цомхон, бага зардлаар үйл ажиллагаа явуулдаг бодлогын байгууллага болох ёстой гэсэн байр суурийг АН-ын бүлгээс илэрхийлэв.
Түүнчлэн намуудын санхүүжилт, түүний зарцуулалт, ил тод байдал, хандивын дээд хязгаарыг хуулиар тогтоож өгөх ёстой гэлээ.
