УИХ-ын баасан гарагийн нэгдсэн чуулганд Ерөнхий сайд Л.Оюун-Эрдэнэ танхимынхаа хоёр сайдыг томилуулахаар оруулж ирсэн. Тэрээр энэ үеэр УИХ-ын зарим гишүүний асуултад хариулахдаа “ Яасан ч айхтар бяртай хүн юм тэр Т.Бадамжунай. Яасан ч олон хүнээр нөлөөлүүлдэг нөлөөтэй хүн юм” хэмээн бухимдсан. Үнэхээр Т.Бадамжунай гэдэг хүн нэгэн цагт МАН-ын толгойд явсан учраас Л.Оюун-Эрдэнэ нарын залууст шахалт үзүүлэх “луугарууд” захаас аваад байгаа нь илт.
УИХ-ын баасан гарагийн нэгдсэн чуулганд Ерөнхий сайд Л.Оюун-Эрдэнэ танхимынхаа хоёр сайдыг томилуулахаар оруулж ирсэн. Тэрээр энэ үеэр УИХ-ын зарим гишүүний асуултад хариулахдаа “ Яасан ч айхтар бяртай хүн юм тэр Т.Бадамжунай. Яасан ч олон хүнээр нөлөөлүүлдэг нөлөөтэй хүн юм” хэмээн бухимдсан.
Үнэхээр Т.Бадамжунай гэдэг хүн нэгэн цагт МАН-ын толгойд явсан учраас Л.Оюун-Эрдэнэ нарын залууст шахалт үзүүлэх “луугарууд” захаас аваад байгаа нь илт. Хотын менежерээс МАН-ын менежер хийж, сайн мууг зохицуулж, хэнийг хаана юун дээр хуваарилахыг энэ хүн л мэддэг байсан гэдгийг улстөрийн хүрээллийнхэн өөрсдөө хэлдэг. Өнөөдөр төрийн өндөрлөгт байгаа нөхдийг ч казиногийн хаалгаар дагуулж орж явсан эр бол Т.Бадамжунай. Хадгаламж банкны 14 тэрбум төгрөгийн гэх хэрэг одоог хүртэл яригдсаар буйг мартаж болохгүй. Т.Бадамжунай намдаа босс явахдаа У.Хүрэлсүх, Г.Занданшатар нартай казиногийн гэх хэрэгт нэр холбогдож, шүүхийн хаалган дээр очиж явсан нь ердөө арав гаруй жилийн өмнөх үйл явдал.
Ингээд харвал Монгол Улсын төрийн тэргүүн “эрийн хугархай” зан гаргавал, Т.Бадамжунайг өмгөөлөх ч тал бий.
Зөвхөн намдаа төдийгүй хоёр намын лидерүүдийн улсаас идсэн уусан, зохицуулсны ард Т.Бадамжунай гэх энэ жижигхэн биетэй “өвгөн” байсан гэдэг.
Тагнуулын дарга асан, АН-ын гишүүн Б.Хурц ч “ шонхор болохыг хүссэн бор шувуунууд” түүний өрөөнд дагуулж орж байсныг Т.Бадамжунай, Б.Хурц, О.Баасанхүү гурвын ярианы бичлэг нотолдог. Б.Хурц генерал ч ийм яриа болсныг хүлээн зөвшөөрдөг. Тэрээр хэвлэлд өгсөн яриандаа “Т.Бадамжунай бол тийм муу хүн биш...Бид гурвын мундаг бичлэг яваад байдаг биз дээ. О.Баасанхүү Т.Бадамжунай гэдэг хүнээс мөнгө босгож өгөөч ээ, би намдаа ашиглах гэсэн юм гэдэг яриа. Тэр үед үнэхээр Т.Бадамжунай гэдэг хүн бол том босс байсан. МАН болон МАХН хооронд олон асуудлыг шийдэж байсан. Бодитой үнэн. Юу үнэн гэвэл тэр сайн менежер. МАН-ын зовлон, жаргалын менежер байхгүй юу. Түүнийг нь би сайн гадарлаж байна” гэснээс нь үзвэл Т.Бадамжунай гэдэг хүн яалт ч үгүй МАН-ын нэг үеийн сайн муугийн архив.
Тэгэхээр Ерөнхий сайд Л.Оюун-Эрдэнэ үнэхээр Т.Бадамжунайгаас айхгүй, асуудлын ард гарч чадах уу. Яг үнэндээ эрх баригч намын Засгийн газрын бүрэлдэхүүнээс харахад Л.Оюун-Эрдэнэд улс орны эрх ашгаас илүүтэй МАН-ын эрх ашиг чухал байгаа.
Т.Бадамжунайгийн хувьд өөрийн идсэнээс илүү МАН-ын үе үеийн сонгуулийн мөнгөний пирамидыг ил болговол Л.Оюун-Эрдэнэ шударга ёсыг тогтоох гэж байна хэмээн хэчнээн хашгиравч 2024 оны сонгуулийн дүн нөгөө талд гарах нь лав.
Т.Бадамжунай гэж хүн ирснээр... хэмээн дараа дараагийн үйл явдал өрнөх үү эсвэл сонгууль дөхлөө гээд өндөг шиг дарах уу.
Toim.mn
