"Уорли инженеринг" компанийн захиргаа, ҮЭ-ийн хорооны ажил хаялтын талаарх хэлэлцээ гурван өдөр үргэлжилж, талууд зөвшилцөлд хүрч, өчигдөр буюу 2023 оны дөрөвдүгээр сарын 07-ны 18:00 цагт ажил хаялтаа албан ёсоор зогсоолоо.
Уорли инжеренг компанийн Үйлдвэрчний эвлэлийн хорооны дарга Д.Жавхлантөгс “Уорли Инженеринг" компани Монгол Улсын нутаг дэвсгэр дээр үйл ажиллагаа явуулахдаа Монгол Улсын хуулийг үл хэрэгжүүлэн хууль зөрчиж байгаа нь шүүхээр нотлогдсоор байхад хууль зөрчсөн үйлдлээ залруулах арга хэмжээ авахгүй Монгол ажилчдын эрх ашгийг хохироосоор байна. Уорли Инженеринг Ажилчдын Үйлдвэрчний Эвлэлийн хорооны зүгээс Хамтын гэрээг шинэчлэн байгуулах, нэмэлт өөрчлөлт оруулах хэлэлцээрийг эхлүүлж хоёр талаас нийт гурван удаа уулзалт зохион байгуулж ажилчдынхаа цалин хөлсний тооцооллыг зөв тооцож олгуулах хэлэлцээрийг эхлүүлсэн боловч ажилчдынхаа цалин хөлсийг зөв тооцож олгох асуудал дээр хичээл зүтгэл, хүчин чармайлт гаргасангүйгээр үл барам дордуулсан нөхцөлтэй цалин бодолтын саналын тооцооллыг ирүүлснээр хоёр тал харилцан тохиролцоонд хүрээгүй.
Иймд Монгол Улс дахь Рио Тинто компанийн Оюу Толгой төслийн Уурхайн талбар дахь Далд Уурхайн Барилга угсралтын Мега төслийн хэмжээнд ажилтнууд ажил хаялт зарлах болно" хэмээн мэдэгдэж байсан юм.
