Туркийн Истанбул хотод боксын эмэгтэйчүүдийн насанд хүрэгчдийн ДАШТ өчигдөр нээлтээ хийлээ. Тэмцээнд манай улсаас дасгалжуулагч Б.Пүрэв-Очир, Т.Чулуунтөмөр, С.Баттулга нарын удирдлага дор 48 кг-ын жинд Ж.Нямсүрэн, 50 кг-д Б.Мөнгөнсаран, 52 кг-д Л.Алтанцэцэг, 54 кг-д О.Есүгэн, Э.Мичидмаа, 57 кг-д М.Намуун, 60 кг-д Г.Бадмаараг, 63 кг-д У.Шинэцэцэг, 70 кг-д Э.Эрдэнэтуяа, 75 кг-д Н.Ану нар өрсөлдөнө.
ДАШТ-ээс Монголын боксчид цор ганц медаль хүртсэн нь гавьяат тамирчин М.Нандинцэцэг билээ. Тэрбээр 2018 онд Энэтхэгт болсон тус тэмцээний 54 кг-ын жинд хүрэл медаль хүртэж байв.
Манай эмэгтэй боксчид Герман улсад хамтарсан бэлтгэл хийгээд тэндээсээ шууд Стамбулд очоод юм.
Эмэгтэй боксчдын эхний учраанууд:
48 кг: Ж.Нямсүрэн - Сусма Таманг (Непал)
50 кг: Б.Мөнгөнсаран - Бусе Наз Чакироглу (Турк)
52 кг: Л.Алтанцэцэг - Катреен Стерлинг (Гаити)
54 кг: О.Есүгэн - Куинонез Фернандес (Мексик)
57 кг: М.Намуун - Эсра Озиол (Турк)/Видад Бертал (Марокко)
60 кг: Г.Бадмаараг - Беатриз Феррейра (Бразил)
63 кг: У.Шинэцэцэг - Гизем Озер (Турк)
70 кг: Э.Эрдэнэтуяа - Дариа Парада (Польш)
75 кг: Н.Ану - Элизабет Акини (Кени)/Каролина Махно (Украин)