Ардчилсан нам байгуулагдсаны 33 жилийн ойд зориулсан Улс аймгийн алдар цолтой 256 бөхийн барилдаанд Ховд аймгийн Чандмань сумын харьяат "Ховд" дэвжээ, "Хилчин" спорт хороо, Нью Прогресс ХХК-ийн бөх Улсын заан Б.Пүрэвсайхан түрүүлж, Увс аймгийн Ховд сумын харьяат "Увс Нуур" дэвжээ, "Сүлд" спорт хороо, "Хемон констракшн" ХХК-ийн бөх Даян аварга Н.Батсуурь үзүүрлэлээ.
Их шөвөгт Увс аймгийн Давст сумын харьяат "Увс Нуур" дэвжээ, "Аврагч" спорт хороо, Ажнай Корпораци, Гачуурт ХК-ийн бөх Улсын аварга П.Бүрэнтөгс, Төв аймгийн Өндөрширээт сумын харьяат "Дүнжингарав" дэвжээ, "Сүлд" спорт хороо, Заамар Өгөөмөр Хайрхан ХХК, Дорнын Өртөө ХХК-ийн бөх Улсын начин Д.Хүдэрбулга нар шалгарлаа.
