УИХ-ын гишүүн, ХНХ-ын сайд асан А.Ариунзаяа: МАН-ын удирдах зөвлөлөөс өнөөдөр таван асуудлыг хэлэлцсэн. Нэгдүгээрт, намын үйл ажиллагааны тайлан төлөвлөгөө, 30-р их хурлаас гарсан дэвшилтэт бодлогыг хэрэгжүүлэх, идэвхжүүлэх ажлын хэсэг, сайдын асуудлуудыг хэлэлцлээ. Хөдөлмөр, нийгмийн хамгааллын сайд Т.Аюурсайханыг албан тушаалаас нь чөлөөлж байгаагаа өнгөрсөн нэгдүгээр сарын 24-нд УИХ-д танилцуулж, албан ёсоор чөлөөлсөн. Хуулийн дагуу 14 хоногийн дотор дараагийн сайдыг шийдвэрлэх ёстой байдаг. ХНХ-ын салбарын хүрээг нь удирдах зөвөлөөр хэлэлцсэн. Ингэхдээ нийгмийн даатгалын багц хууль, халамжийн шинэчлэл, гэр бүлийн тухай хууль, хүүхэд хамгааллын тухай хууль, хөгжлийн бэрхшээлтэй иргэдийн хүртээмжийн тухай хууль гэх мэтчилэн маш олон чухал асуудлууд байгаа учраас УИХ-ын гишүүн бодлогын хувьд энэ салбарыг ахлах нь зүйтэй гэх шийдвэрийг гаргасан. Хоёрдугаарт, энэ салбарт эмэгтэй сайд байх нь зөв гэж үзсэн учраас боомтын сайдаар ажиллаж байсан Х.Булгантуяаг сэлгэн ажиллуулах нь зүйтэй хэмээх шийдвэрийг гаргалаа. Өнөөдөртөө чадвал УИХ-ын чуулганаар оруулна.
