БНХАУ-д айлчлал хийж байгаа Францын Ерөнхийлөгч Эммануэль Макронтой БНХАУ-ын дарга Ши Жиньпин уулзав. Хэлэлцээрийн үеэр Францын ерөнхийлөгч Хятадын тал Орос, Украиныг хэлэлцээрийн ширээний ард суухыг ятгаж чадна гэдэгт найдаж байгаагаа илэрхийлэв.
“Оросууд Украин руу довтолсон нь олон улсын тогтвортой байдалд цохилт болсон. Иймд Та Оросыг ятгаж, хоёр талыг хэлэлцээрийн ширээний ард суулгаж чадна гэдэгт найдаж байна" гэж Макрон хэлснийг Ройтерс иш татав.
Хоёр талын уулзалтын үеэр Ши Жиньпин хэлэхдээ, одоо дэлхий нийт түүхэн гүнзгий өөрчлөлтийг туулж байна. Гэсэн хэдий ч Хятад, Франц хоёр НҮБ-ын Аюулгүйн зөвлөлийн байнгын гишүүн орны хувьд дэлхий нийтэд тогтвортой байдлыг хадгалахын төлөө хамтран тэмцэх ёстой гэж хэдснийг "Синьхуа" агентлаг мөн иш татжээ.
Эммануэль Макрон дөрөвдүгээр сарын 5-нд Хятадад айлчлалаар ирсэн юм. Түүнийг Европын комиссын ерөнхийлөгч Урсула фон дер Лейен дагалдан явж байна. Тэдний айлчлал дөрөвдүгээр сарын 7 хүртэл үргэлжилнэ.
Урсула фон дер Лейен Бээжинд айлчлахынхаа өмнөхөн Украины мөргөлдөөний хүрээнд Хятад улсын хийх алхам нь тус улс Европын холбооны ирээдүйн харилцааг тодорхойлох болно гэж онцолсон байна.
Эх сурвалж:Сentralasiamedia