Хонконгийн засаг захиргааны зургаа дахь тэргүүний сонгууль ням гарагт болж, Жон Ли ялалт байгуулжээ.
Хонконгийн Засгийн газрын засаг захиргааны ерөнхий нарийн бичгийн дарга асан, өдгөө 64 настай тэрбээр Сонгогчдын коллегийн 1416 гишүүний саналаар сонгогдсон байна. Хонконгийн сонгуулийн тогтолцоонд 2021 онд шинэчлэл хийснээс хойших анхны засаг захиргааны тэргүүний сонгууль энэ болсон юм.
“Миний бие энэхүү түүхэн үүрэг даалгаврыг үнэнчээр, тууштай гүйцэтгэж, Хонконгт шинэ хуудсыг нээхийн төлөө Хонконгийн 7.4 сая оршин суугчийг нэгтгэн манлайлах их үүрэг хариуцлагыг хүлээж байна” гэж Жон Ли сонгуулийн дараа сэтгүүлчидтэй уулзах үеэрээ мэдэгджээ.
Түүнийг долоодугаар сарын 1-ний өдөр буюу Хонконг эх газрын харьянд шилжсэний 25 жилийн ойн өдөр Хонконгийн тэргүүний хувиар тангараг өргөхөөс өмнө төв Засгийн газар томилох ажээ.
Montsame.mn