УИХ-ын чуулганы нэгдсэн хуралдаан эхэллээ.
УИХ-ын гишүүн Ш.Адьшаа
"УИХ-ын гишүүдийн асуулгад хариулт өгмөөр байна. АТГ тай тэмцэх хууль эрх зүйг сайжруулна гэж ярьж байгаа. Ажил, ам чинь зөрж байна шүү. Нийтийн албанд нийтийн болон хувийн ашиг сонирхолыг зохицуулах, ашиг сонирхолын зөрчлөөс урьдчилан сэргийлэх хууль нэмэлт оруулах хуулийн төслийг засгийн газраас өргөн бариад 3 сар болж байна. Яагаад оруулж ирэхгүй байна аа. Энэ хуулийг УИХ дээр орж ирээд 3 долоо хонож байна. Том дарга нарын эрх ашиг хөндөгдсөн асуудал байгаа.
Шударга дарга Энхбаяр та муутай хандаж байсан. Хэн дээр гацаад байгааг асуух шаардлагатай байна. Засгийн газар бодлогоо хэрэгжүүлэх гэж байгаа бол энэ хуулийн төслийг өнөөдрийн хэлэлцэх асуудлын жагсаалтад оруулж ирье. Авлигатай тэмцэх асуудал хий хоосон үг болоод байна. УИХ-ын удирдлагууд анхаарах шаардлагатай байна.
Ард түмний эрх ашиг, нийгмийн цочроосон эрх ашгийн зөрчилтэй хүмүүсийн асуудлыг ярих хууль яагаад орж ирэхгүй байна вэ. Нийт ард түмний эрх ашиг, нийт олонхийн эрх ашгийн төлөө энэ нийгэм явах ёстой биздээ. УИХ-ын гишүүдээс нийгэмд, ард иргэдэд их хэмжээний хохирол учруулсан асуудлаар Засгийн газарт асуулга тавихаар оруулж ирэхгүй, асуудлыг хойшлуулж байгаагаа зогсоож, Монгол Улсынхаа эрх ашгийн төлөө хуулийг УИХ-ын чуулганаар энэ долоо хоногт хэлэлцүүлэхийг шаардаж байна".
Г.Занданшатар: Шаардлагад хариу өгөе. Нийтийн албанд нийтийн болон хувийн ашиг сонирхолыг зохицуулах, ашиг сонирхолын зөрчлөөс урьдчилан сэргийлэх хууль оруулсан нэмэлт өөрчлөлтийг Хууль санаачлагч Засгийн газраас 4/13-нд хэлэлцүүлж өгөхөөр санал оруулж ирсэн учраас ирэх долоо хоногт хэлэлцэхээр төлөвлөсөн байгаа.
