Иргэн Д.Мөнх-Эрдэнийн гэм бурууг шүүх хурал өчигдөр өглөө 09:30 цагт эхэлж одоог хүртэл үргэлжилж байна. Ардчилсан намын гишүүд дэмжигчид Д.Мөнх-Эрдэнийг суллахыг шаардан Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн гадна эсэргүүцлээ илэрхийлэн жагсаж байгаа юм. УИХ-ын гишүүн асан Л.Гүндалай жагсаалд оролцон үзэл бодлоо илэрхийлж байна.
Тэрээр, "Д.Мөнх-Эрдэнийг бузруудыг илчилж, үзэл бодлоо илэрхийлсний төлөө хүчээр барьж хорьж байна. 2024 онд Д.Мөнх-Эрдэнэ сонгуульд өрсөлдөж жинхэнэ бузруудыг барьж хорих байсан боловч санаатайгаар ял тулгаж байна.
Хэрвээ түүнд ял өгөх юм бол би тэмцэнэ. Ард иргэдээ уриалж байна. Монголд шударга ёс байхгүй болсон.
Мөнх-Эрдэнийг гурван удаа барьж хорилоо гэтэл авлига албан тушаалын хэрэгтэй бусад хүмүүс бүгд гадуур явж байгаа шүү дээ. Түүнийг жижиг шалтгаанаар барьж хорихын оронд нүүрсний хулгайчдаа барьж хорь. Тэмцсэн болгоныг барьж хорьж байна. Энэ шударга бус явдал" гэв.
