3х3 сагсан бөмбөгийн Ази тивийн аваргаар шалгарсан Монголын шигшээ баг эх орондоо ирлээ. Дасгалжуулагч С.Тулга "Манай залуус маш сайн байлаа. Монголчууд багаараа амжилт гаргаж болдгийг манай залуус Ази тив дээрээ харуулаад ирлээ, үнэхээр бахархаж байна. Монголчууд нийлж нэгдэж чадвал сайхан амжилт гаргана. Австралийн баг 26 дараалаад хожсон байсан. Хамгийн сүүлд Монголын багт хожигдлоо. Багийн ажиллагаа систем маш сайн байсан. Анандын шидэлт дэлхийн топоор тодрох байх" гэлээ.
