Жил бүрийн тавдугаар сарын хоёр дахь долоо хоногийг "Татвар төлөгчдийн өдөр" болгон тэмдэглэдэг. Тэгвэл Татварын Ерөнхий Газраас өнөөдөр буюу тавдугаар сарын 09-ны өдөр тус өдрүүдийг хэрхэн тэмдэглэн өнгөрүүлэх талаар мэдээлэл хийлээ.
Энэ үеэр Татварын Ерөнхий газрын дарга Б.Заяабал НӨАТ-ын сугалааны талаар тайлбар мэдээллийг өглөө. Тэрбээр, "Сангийн сайд НӨАТ-ын сугалааг зогсоох шийдвэр гаргаж, үүрэг өгсөн. Гэхдээ энэ нь түр хугацааных. Учир нь НӨАТ-ын сугалааг хэрхэн зохион байгуулбал олон нийтэд хүрэхүйц байх талаар Сангийн яамтай хамтран ажиллаж, бусад орны жишиг хэрхэн явагддаг талаар судалж, эргэн танилцуулах учир түр хугацаагаар сугалааг зогсоогоод байгаа.
Ингэхдээ 2022 оны 12 дугаар сард багтаж танилцуулаад, сугалааны дараагийн хувилбарыг явуулахаар төлөвлөж байна" гэв.
