Оросын түрэмгийллээс хамгаалах тусламжийн дараагийн зэвсгийн багцад радар, шатахуун тээвэрлэх машин, танк эсэргүүцэгч пуужин, NASAMS-ын зенитийн пуужин харвах төхөөрөмжийн сум багтана.
Энэ талаарх дэлгэрэнгүй мэдээллийг амралтын өдрүүдэд шийдэж, ирэх долоо хоногийн эхээр зарлана гэж Ройтерс агентлаг эх сурвалжаасаа иш татан мэдээлэв.
Цэргийн тусламжийн шинэ багцын нийт хэмжээ ойролцоогоор 2.6 тэрбум доллар байна. Үүний дийлэнх нь буюу 2,1 тэрбум доллар нь Америкийн үйлдвэрлэгчдийн худалдан авалтад, үлдсэн 500 сая ам.доллар нь Пентагоны агуулахын зэвсэг байх болно.
Тодотгоход, 10-аадхан хоногийн өмнө АНУ Украинд цэргийн тусламж үзүүлэх 34 дэх багцаа зарласан. Үүнд HIMARS пуужин, танк эсэргүүцэх зэвсэг, голын завь зэрэг нийт 350 сая ам.доллар багтсан юм.
Оросын тусгай ажиллагаа эхэлсэн үеэс хойш АНУ Украиныг түрэмгийлэгчдээс чөлөөлөхийн тулд Украинд 30 гаруй тэрбум ам.долларын тусламж үзүүлэхээ амлаад байгаа юм.
Эх сурвалж: ВВС
