"Сингапур-2023" буюу 3х3 сагсан бөмбөгийн Азийн аварга шалгаруулах тэмцээнд Монголын эмэгтэй шигшээ баг өчигдөр өглөө "С" хэсгийн эхний тоглолтдоо Шинэ Зеландад 10:17-гоор хожигдсон. Харин үдээс хойш Малайзтай ээлжит тоглолтоо хийж, 21:8-аар итгэл төгс буулган авснаар хэсгээсээ II байраар гарч шөвгийн наймд шалгарлаа.Манай бүсгүйчүүд өнөөдөр 1/4 шигшээ тоглолтод 2019 дэлхийн аварга, өнгөрсөн жилийн Азийн аварга БНХАУ-ын хүчирхэг багтай тоглоно.Харин эрэгтэйчүүд эхний тоглолтдоо Тайванийг 21:19-өөр хожсон бол хоёр дахь тоглолтоо зохион байгуулагч Сингапурын багтай хийж 22:9-өөр буулган авч "А" хэсгийг 2 хожилтой тэргүүлж, шөвгийн наймд шалгарсан.Тиймээс эрэгтэй баг өнөөдөр шөвгийн наймд Казахстаны шигшээ багтай тоглоно.
