Швейцарын “Destinus” гарааны компани устөрөгчийн түлшээр ажилладаг хөдөлгүүр бүхий дуунаас хурдан зорчигч тээврийн нисэх онгоц бүтээж, өнгөрсөн оны сүүлчээр хийсэн туршилтын нислэгүүд нь амжилттай болсныг зарлажээ.
“Destinus”-ийн инженерүүдийн мэдээлснээр, онгоц нь “5 Мах” (ойролцоогоор 6125 км/цаг) хүртэл хурдалж чадсан байна. Ийм хурдтайгаар АНУ-ын агаарын довтолгооноос хамгаалах “Aegis” системийн пуужингууд нисдэг аж. “Destinus”-ийн устөрөгчийн хөдөлгүүрийг Испанийн “ITP Aero” компани бүтээсэн бол их бие болон устөрөгчийн катализатор зэрэг эд ангийг нь 3D-принтерээр хэвлэсэн гэнэ.
Уг онгоцоор Лондоноос Нью-Йорк хүртэл 90 минут, Шанхайгаас Дубай хүртэл 1 цаг 45 минут (ердийн нисэх онгоцоор 8 цаг ниснэ), Токиогоос Сидней хүртэл 2 цаг 15 минут (9 цаг), Малайзаас Египет хүрэхэд 4 цаг (18 цаг) нисэх аж.
Компанийн мэдээлснээр “Destinus” нь цэргийн нисэх онгоц биш. Ирээдүйд дуунаас хурдан нислэгээр аялж жуулчлах боломжийг судлах зорилгоор бүтээсэн гэв.
