Тариалан эрхлэлтийг дэмжих сангийн зээлтэй холбоотой асуудал 2018 онд олон нийтэд ил болж, энэ сангийн зээлийн талыг нь одоогийн Соёлын сайд Ч.Номингийн аав, "Гацуурт" ХХК-ийн захирал, Хөдөлмөрийн баатар Л.Чинбат ганцаараа авсан тухай мэдээлэл гарч байлаа. Замбараагүй олгосон зээл нь тус санг татан буулгаж, Мал хамгаалах сантай нэгтгэн Хөдөө аж ахуйг дэмжих сан байгуулахад хүргэсэн юм. Гэвч Хөдөө аж ахуйг дэмжих сан нь мөн санхүүгийн хүндрэлд орсон учраас Хөдөө аж ахуйг дэмжих корпорац төрийн өмчит ХХК болгох саналаа Засгийн газар УИХ-д оруулж хэлэлцүүллээ. Энэ үйл явдал нь хэдэн жилийн өмнөх Тариалан эрхлэлтийг дэмжих сангийн асуудал сөхөгдөх шалтгаан болов. ХХААХҮ-ийн сайд Х.Болорчулуун хоёрхон өдрийн өмнө "Гацуурт" ХХК зээлээ бүрэн төлж дуусаагүй байгаа гэсэн бол өнөөдөр нэг ч төгрөгийн өргүй гэв.
2023.03.29 ХХААХҮ-ийн сайд Х.Болорчулуун: -Хөдөлмөрийн баатар Л.Чинбатын хувьд зээл авчихаад үндсэн үйл ажиллагаагаа явуулаагүй гэж хэлж болохгүй. "Гацуурт" компани Монгол Улсын газар тариалангийн салбарт анхдагч, түүчээ болж ажилласан компани. Орчин үеийн технологи нэвтрүүлэх тал дээр үнэхээр түүчээлж ажилласан. Газар тариалангийн салбар маш их эрсдэлтэй. Тийм учраас зарим компани тариа, ногоо тарихаа больж гарч байгаа. Хэрэв ашигтай байвал гарахгүй шүү дээ. "Гацуурт" компани хоёр тэрбум биш нэлээн оон тэрбумын хөнгөлөлттэй зээл авсан. Ихэнхийг нь төлчихсөн байна лээ.
2023.03.31 ХХААХҮ-ийн сайд Х.Болорчулуун: -"Гацуурт" компани хөдөө аж ахуйн чиглэлээр үйл ажиллагаа явуулдаг. Ялангуяа газар тариалангийн чиглэлд Монголын тэргүүлэгч зомпани гэж хэлж болно. 40 мянган га-д тариалалт хийдэг компани Монголд өөр байхгүй. Хоёрдугаарт, "Гацуурт" компани техник, технологийн хувьд анхдагч. Барууны техник технологийг оруулж ирсэн компани. Монголын газар тариалан маш эрсдэлтэй. Бороо хур багатай. Жилдээ 300 мм-ийн тундас ордог. Зарим жил ургац авна, зарим жил нь алдана. Үүний төлөө мэргэжилтэй, сэтгэлтэй хүмүүс л хүнс үйлдвэрлэх, тариа, ногоо ургуулахын төлөө ажилладаг. "Гацуурт" компанийн хувьд манай Хүнс, хөдөө аж ахуйн яам болон манай харьяа санд нэг ч төгрөгийн өргүй. 10 гаруй жижиг компапнитай шүү дээ. Нэг ч өргүй. Буруу зөрүү мэдээлэл явж байна. Ер нь "Гацуурт" шиг компанид Монгол ард түмэн баярлах ёстой. Чадан ядан эрсдэл үүрэн ажиллаж байна. Хөдөө аж ахуйн салбар маш эрсдэлтэй.
EAGLE.MN