Дулааны улирал ирж байгаатай холбогдуулан айл өрхүүд хашааныхаа өнжмөл шар өвсийг шатаах тохиолдол нэмэгджээ. Шар өвс нь хуурай сэрүүний улиралд хурдан гал авч, түймэр дэгдээх үндсэн шалтгаан болдог.
Тодруулбал, өнгөрсөн долоо хоногт гал түймрийн 66 дуудлага НОБГ-т бүртгэгдсэний 36 нь шар өвс шатаасан дуудлага байна. Эдгээр дуудлагын дагуу алба хаагчид үүрэг гүйцэтгэн, 57,3 га талбайн түймрийг бүрэн унтраасан аж.
Иймд иргэд та бүхэн зуслангийн газар болон хашаа хорооныхоо шар өвсийг шатаахгүй байж, эрт түүж хэвшихийг анхааруулъя.
