Японы засгийн газар Украиныг сэргээн босгоход зориулж нийт 470 сая ам.долларын буцалтгүй тусламжийн хоёр багц хуваарилна. Японы ГХЯ-ны цахим хуудсанд нийтэлсэн мэдэгдэлд дурдсанаар, уг хөрөнгийг гамшгаас хамгаалах хөтөлбөрийн 2-р үе шат нэртэй санаачилгын хүрээнд шилжүүлж байна гэжээ.
Энэ тухай гуравдугаар сарын 29-нд Японоос Украинд суугаа Элчин сайд Мацуда Кунинори, Украины Ерөнхий сайдын орлогч, Сэргээн босголтын яамны дарга Александр Кубраков нар Киевт гарын үсэг зурж, 400 сая ам.долларын буцалтгүй тусламж олгох тухай нот бичиг солилцов.
Хоёр орны хамтын ажиллагаа нь Украинд уурхай, нуранги цэвэрлэх, суурь дэд бүтэц, хөдөө аж ахуйг сэргээн босгох, ардчиллыг бэхжүүлэхэд тус дөхөм болно гэж үзэж байна.
Хаёр өдрийн өмнө Японы засгийн газар НҮБ-ын Хөгжлийн хөтөлбөрөөр дамжуулан 70 сая ам.долларын дэмжлэг үзүүлэх амлалтаа баталгаажуулсан юм. Энэ мөнгийг Оросын дайралтаас болж эвдэрсэн эрчим хүчний дэд бүтцийг сэргээх, Украины хүн амыг цахилгаан, дулаан, усаар хангадаг дулааны цахилгаан станцуудын эрчим хүчний хангамжийг нэмэгдүүлэхэд зарцуулах болно.
Япон улс олон улсын хамтын нийгэмлэг, ялангуяа G7-ийн гишүүн орнуудтай хамтран хүндрэлтэй байгаа Украины ард түмнийг цаашид ч дэмжих бодолтой байгаагаа тэмдэглэв.
Эх сурвалж: ВВС
