Аугаа их Эх орны дайны ялалтын 77 жилийн ойн өдөр ОХУ-ын Ерөнхийлөгч Владимир Путин дэлхийн улс орнуудад баярын мэндчилгээ илгээжээ. В.Путин Азербайжан, Армен, Беларусь, Казахстан, Киргиз, Молдав, Тажикистан, Туркменистан, Узбекистан зэрэг улсуудад мэндчилгээ явуулсан байна. Харин НҮБ-ын санал хураалтад түдгэлзэх санал өгсөн Монгол улсад баярын мэндчилгээ ирүүлсэнгүй. Мөн өөрсдийн хүлээн зөвшөөрсөн Абхаз, Өмнөд Осети, Донецк, Луганскын удирдагчдад болон Гүрж, Украины ард түмэнд баярын мэндчилгээ илгээсэн байна.ОХУ-ын Ерөнхийлөгч В.Путин Аугаа Эх орны дайны ялалтын 77 жилийн ойн цэргийн парадад оролцох бөгөөд уламжлал ёсоор Нэр нь үл мэдэгдэх цэргийн булшинд цэцэг өргөнө. Энэ жилийн Ялалтын өдрийн баярт гадаадын удирдагчдыг уриагүй юм.
