Герман улс ойрын жилүүдэд Украинд үзүүлэх цэргийн тусламжаа 3 тэрбум еврогоос 15 тэрбум евро болгон нэмэгдүүлэхээр төлөвлөж байна гэж Германы "Der Spiegel" сэтгүүл мэдээлэв.
Берлин "Аюулгүй байдал, батлан хамгаалах, тогтворжуулах чиглэлээр түнш орнуудыг шинэчлэхэд" зориулж 2.2 тэрбум еврог хэдийнэ хуваарилжээ. Германы Батлан хамгаалах яам энэ мөнгөөр Украинд зэвсэг нийлүүлэх, Бундесверийн агуулахаас шилжүүлсэн зэвсгийн системийг солих зэрэг зардлыг төлдөг.
Тус сэтгүүлийн мэдээлснээр, Германы Сангийн яамны Төрийн нарийн бичгийн даргын орлогч Флориан Тонкар Бундестагийн Төсвийн хороонд хандаж, Украинд туслахаар санхүүжүүлж буй төсвийн зарим зүйлийн санхүүжилтийг нэмэгдүүлэхийг хүссэн байна.
Эдгээр баримт бичгүүдэд дурдсанаар, 2023 онд санхүүгийн дэмжлэгийн хэмжээ Германаас өнгөрсөн онд олгосон 2,2 тэрбум еврогоос нэмэгдэж 5,4 тэрбум еврог давна.
"Украины зэвсэгт хүчин их хэмжээний материаллаг хохирол амсаж байгаа тул шинэ хангамж тусламж шаардлагатай байна" гэж Тонкар Бундестагийн хороонд илгээсэн нууц захидлаас иш татав.
Үүнээс гадна ойрын жилүүдэд Берлин Украины өмнө хүлээсэн “үүргээ биелүүлэх” зорилгоор дахин 8,8 тэрбум евро гаргахаар төлөвлөж байна.
Эх сурвалж: ВВС