Боловсролын зээлийн сангийн мэдээллүүд сүүлийн өдрүүдэд дэлгэгдэж тэр дундаас төрийн албан тушаалтнууд тэдгээрийн холбоо хамаарал бүхий хүмүүс, хүүхдүүдийн нэрс ихээр гарч ирэх болсон нь олны анхаарлыг татаад байна.
Үүнтэй холбоотойгоор энэ сарын 10-ны өдөр ХЗДХ-ийн яамнаас ИНЕГ-ын даргын үүргийг түр орлон гүйцэтгэгч Ч.Мөнхтуяад тус байгууллагын буюу төрийн зардлаар суралцаж төгсөгчдийн мэдээллийг ил болгох зөвлөмж хүргүүлсэн.
Харин бид ИНЕГ-аас жилд тэрбум тэрбумаар нь шулж, хүүхдүүдээ сургасан дарга нарын нэрсийг хүргэж байна.
ИНЕГ-ын дарга Т.Лхагвасүрэн: Охин Хонгорзулыгаа АНУ-ын Сан-Франциско хотод “Олон улсын худалдаа, бизнес”-ийн сургуульд 41 мянган ам.доллароор сургасан. Хэл амд өртөхдөө охиныхоо сургалтын төлбөрийн шийдвэрийг хүчингүй болгон өөрчилсөн хэрэгт орж байв.
ИНЕГ-ын дарга асан С.Батмөнх: Өнөбат ИНЕГ-ын зардлаар аавыгаа дарга байхад Ану калифорниа нисэхийн академид сурсан.
С.Батмөнх нь ИНЕГ-ын Агаарын тээврийн бодлого зохицуулалтын ерөнхий менежер, газрын дарга асан Д.Эрдэнэбат нар бусдын эд хөрөнгийг завших гэмт хэргийг бүлэглэн үйлдэж, улсад онц их хэмжээний хохирол учруулсан, албан тушаалаа урвуулан ашигласан хэмээн 6 жил, 6 сарын хорих ял сонсож байсан удаатай.
ИНЕГ-ын нислэгийн удирдагч М.Чингэсболд: Хүү Болдхуяг нь Солонгосын Хансёо сургуулийг Агаарын хөлгийн нисгэгчээр суралцаж, 2021 онд төгссөн.
НААЗХА үнэмлэх гэрчилгээжүүлэлтийн хэлтсийн дарга асан Чоймпог: Хүү Батсайхан нь АНУ-ын Нисэхийн аюулгүй ажиллагаа магистраар суралцаж 2018 онд төгссөн.
ИНҮТ-ийн Дотоод аудитор Сувдаа: Хүү Чингэл Австрали улсад суралцсан.
ИНЕГ-ын дарга асан Наранхүү: Анир нь Австрали улсын Криффид коллежид гадаад худалдааны чиглэлээр суралцаж 2021 онд төгсжээ.
ИНҮТ-ийн холбоо навигацын албаны ерөнхий инженер Цогоо: Хүү Тамир ОХУ-д Агаарын хөлгийн цахилгаан систем нисэх навигацийн цогцолборын техник ашиглалт мэргэжлээр суралцаж 2021 онд төгсжээ.
ИНҮТ-ийн холбоо навигацын дэд дарга асан Эрдэнэсүх: Охин Ундармаагаа Канад улсын British Columbia institute of technology сургуульд Аэронавигацийн инженер мэргэжлээр сургаж, 2021 онд төгсжээ.
ИНЕГ-ын НААХЗА-ийн Хэлтсийн дарга Ё.Энхтөр: Мишээл, Ану нараа суралцуулжээ.
Буянт-Ухаагийн дарга асан Мягмар: Хүү Батзул нь ОХУ-д суралцжээ.
Баатарзориг: Мандуул АНУ-д Wamen Aviation Acedemy Агаарын хөлгийн нисгэгчээр суралцсан
Харин ажил байдал буюу албан тушаал нь тодорхой бус эцэг эхчүүдийн хүүхдүүд жагсаалтаар харуулбал:
- Батболдын Анхболд: Канад улсын Бурнаби хотод Агаарын хөдөлгүүрийн ашиглалтын инженер мэргэжлээр 2015 онд төгссөн
- Чинбаатарын Алдарбаатар: Канадын Калгарийн их сургуулийг Агаарын хөдөлгүүрийн ашиглалтын инженер мэргэжлээр 2016 онд төгссөн
- Мажигсүрэнгийн Батбаяр: Канадын George Brown College Аэродромын инженерээр 2016 онд төгссөн
- Баасансүрэнгийн Билгүүнмаа: Австрали улсын Криффид их сургуулийн Олон улсын гадаад харилцаа, эдийн засагч мэргэжлээр 2016 онд төгссөн
- Даваажавын Бүрэнхишиг: АНУ-ын Агаарын хөлгийн засвар үйлчилгээний технологи 2017 онд төгссөн
- Цогтсайханы Бэлгүдэй: Канадад Агаарын хөлгийн авионик инженерээр 2017 онд төгссөн
- Энхбаярын Анхбаяр: ОХУ-д Агаарын хөлгийн хөдөлгүүр ашиглалтын инженер 2017 онд төгссөн
- Мөнхбаатарын Гэрэлт-Од: Канад улсад Агаарын хөлгийн хөдөлгүүр ашиглалтын инженер 2017 онд төгссөн
- Чулуунбаатарын Намхай: ОХУ-д Агаарын хөлгийн хөдөлгүүр инженерээр 2017 онд төгссөн
- Даваасамбуугийн Дэлгэрмөрөн: ОХУ-д Агаарын хөлгийн хөдөлгүүрийн инженер 2017 онд
- Жамбалдагвын Өлзийхишиг: АНУ-д Олон улсын бизнес магистраар 2017 онд төгссөн
- Отгоны Хулан: Украйны Нисэхийн академийн Үндэсний нисэхийн их сургуулийг Нислэгийн удирдагч мэргэжлээр 2019 онд төгссөн
- Наранболдын Одбаяр: АНУ-ын Lewis их сургуулийг Агаарын хөлгийн инженер мэргэжлээр 2020 онд төгссөн
- Буянбаатарын Ундрал: Австрали улсад Олон улсын санхүү, нягтлан бодох бүртгэл 2020 онд төгссөн
Энэ бол ИНЕГ-ын тэтгэлгээр гадаадад суралцаж төгссөн ч, ажлын байраар хангагдаагүй төгсөгчдийн жагсаалт. Өөрөөр хэлбэл эцэг эхийнхээ буянаар төрийн мөнгөөр суралцагчдын зарим нь гадаадад, зарим нь магистраар, зарим нь гэртээ ажилгүй байгаа гэсэн үг.
Тус газрын албан тушаалтнууд, дарга нарын:
- 2015 онд 62 хүүхдийг 3,3 тэрбум төгрөгөөр,
- 2016 онд 57 хүүхдийг 1,8 тэрбум төгрөгөөр
- 2017 онд 11 хүүхдийг 370 сая төгрөгөөр
- 2018 онд 17 хүүхдийг 753 сая төгрөгөөр
- 2019, 2020, онуудад 1,92 тэрбум төгрөгөөр сургажээ.
Нисэхийн салбар тэр тусмаа ИНЕГ-ын ажилчдын ажлын байр, уламжлагддагийн шалтгаан ердөө л энэ. Төрийн мөнгөнөөс жил бүр 300-3,3 тэрбум төгрөгийн төсөв гаргаж шулж ирсэн байгаа юм.
