Говьсүмбэр аймгийн Баянтал сумын хоёрдугаар багийн “Гүн жалга” хэмээх газар хоёр автомашин мөргөлдсөний улмаас зургаан настай охин машины эд ангид хавчуулагдсан байна. Уг дуудлага аймгийн ОБГ-т өчигдөр буюу 2022.05.08-ны өдрийн 19:30 цагт ирсэн бөгөөд алба хаагчид 68 км зам туулан очиж охиныг эсэн мэнд гаргажээ.
Тодруулбал, Дорноговь аймгаас Улаанбаатар хотын чиглэлд зорчиж явсан 5 зорчигчтой “Кольт” загварын суудлын автомашин Улаанбаатар хотоос Дорноговь аймгийн Айраг сумын чиглэлд 2 зорчигчтой зорчиж явсан “Маяти-2” загварын ачааны автомашинтай мөргөлдөж осол гарсан байна.
Иймд жолооч та бүхэн хөдөө орон нутгийн замд явахдаа анхаарал болгоомжтой байж, бага насны хүүхдийн аюулгүй байдлыг нэн түрүүнд анхаарах хэрэгтэйг сануулж байна.
