Европын холбоо ОХУ-д тусалсан Төв Азийн орнуудын эсрэг хориг арга хэмжээ авахаар хэлэлцэж байгаа тухай The Telegraph сонин мэдээлэв.
ЕХ-ны удирдлага Азийн орнуудад хийж буй экспортын хэмжээний өсөлтийг онцолж байгааг хэвлэлд тэмдэглэжээ. Европ эдгээр технологиуд тавьсан хориг хязгаарлалтыг тойрч ОХУ-д худалдагдахаас эмээж байна. ЕХ-ны удирдлага Төв Азийн орнуудын төлөөлөгчдөд хориг арга хэмжээг тойрч гарах нь ямар үр дагаварт хүргэж болзошгүй гэдгийг сэрэмжлүүлэхээр төлөвлөж байна.
Хэрэв ОХУ-д бараа бүтээгдэхүүн үнэхээр хязгаарлалт хоригийн гадуур орж ирдэг болохыг нотлох баримтыг олбол Европын холбоо Төв Азийн орнуудад хориг арга хэмжээ авахаар төлөвлөж байна.
ОХУ-д хийн турбин нийлүүлэхгүй байх АНУ-ын шинэ хориг арга хэмжээ нь тус улсын экспортын хийн хоолойн ажлыг ноцтой хүндрүүлж болзошгүй гэж өмнө нь мэдээлж байсан. Вашингтон ОХУ-д хий дамжуулах турбиныг АНУ-аас экспортлох, дахин экспортлох, шууд болон шууд бусаар худалдах, нийлүүлэхийг хориглосон юм.
Эх сурвалж: Лента.ру
