Нийслэлийн Сонгинохайрхан дүүргийн 21 дүгээр хорооны Жаргалант тосгон Ногооны зооринд нэг хүн нас барсан цогцсыг гаргах тухай хүсэлтийг тавдугаар сарын 8-ны өдрийн 13:49 цагт Цагдаагийн байгууллагаас иржээ. Дуудлагын дагуу нийслэлийн Аврах ангийн алба хаагчид очиход тус хорооны харьяат 39 настай эрэгтэй А дөрвөн метрийн гүнтэй нүхэн зооринд нас барсан тул цогцсыг гаргаж Цагдаагийн байгууллагын үйл ажиллагаанд дэмжлэг үзүүлсэн талаар ОБЕГ-аас мэдээлэв.
