Өнөөдөр аугаа их Эх орны дайны Ялалтын баярын өдөр. ОХУ-ын хотуудад баярын жагсаал хийх ба Буриадын Улаан-Үд хотод болох жагсаалд Монголын 30 цэрэг оролцох ажээ. Өчигдөр болсон парадын бэлтгэлд Монголын 30 цэрэг дайчин оролцсон ба ОХУ-ын Зэвсэгт хүчний Дорно тойргийн хэвлэлийн албанаас “Монголын цэрэг Ялалтын 77 жилийн баярын парадад оролцож байгаа нь манай хоёр Зэвсэгт хүчний хамтын ажиллагаа, харилцан итгэлцлийн бэлгэ тэмдэг болж байна” гэж мэдэгджээ.
Манай цэргүүд Ялалтын парадад оролцоод Иволгин дацан, Партизаны тосгон цогцолбор үзэж сонирхох юм байна.
