ОХУ-ын Ерөнхийлөгч Владимир Путин БНХАУ-ын дарга Ши Жиньпинтэй хийсэн хэлэлцээний дараа хэвлэлийн бага хурал дээр хэлэхдээ, Барууны орнууд болон Киев бэлэн болсон үед Хятадын энхийн төлөвлөгөөг Украины мөргөлдөөнийг энхийн замаар зохицуулах үндэс болгон авч болно гэж мэдэгдсэн юм.
“Хятадын дэвшүүлсэн энхтайвны төлөвлөгөөний олон заалт Оросын хандлагатай нийцэж байгаа бөгөөд Баруун болон Киев ийм хэлэлцээрт бэлэн байгаа үед энхийн замаар зохицуулах үндэс суурь болж чадна гэж бид үзэж байна. Гэсэн хэдий ч одоогоор бид тэдний ийм бэлэн байдлыг ажиглаагүй байна "гэж Путины хэлснийг "Коммерсант" иш татав.
Хоёрдугаар сарын 24-нд Украинд Оросын цэргийн ажиллагаа эхэлсний ойн өдөр Хятадын ГХЯ Украины мөргөлдөөнийг зохицуулах 12 зүйл бүхий төлөвлөгөөг танилцуулсан юм. Бээжин энэ төлөвлөгөөндөө дайсагналаа зогсоож, хэлэлцээрийн ширээний ард суух, "хүйтэн дайны сэтгэлгээнээс татгалзахыг" талуудад уриалав.
Хятадын эрх баригчид энхийн хэлэлцээг эхлүүлэх, нэг талын хориг арга хэмжээг зогсоох, мөн Украины үр тарианы экспортыг баталгаажуулж, стратегийн эрсдэлийг бууруулах шаардлагатай гэж үзэж байгаа бөгөөд харин Украины Гадаад хэргийн яам энэ төлөвлөгөөг шүүмжилсэн байна.
Эх сурвалж: Сentralasia.media
