Улсын ерөнхий прокурорын газраас УИХ-ын гишүүн Н.Наранбаатар, Д.Бат-Эрдэнэ, Т.Аюурсайхан нарын бүрэн эрхийг түдгэлзүүлэх шалгах хүсэлтийг УИХ-ын даргад хүргүүлжээ. Тиймээс өнөөдөр /2023.02.24/ 09.00 цагт УИХ-ын Халдашгүй байдлын дэд хороо хуралдаж, тэдний бүрэн эрхийг түдгэлзүүлэх эсэх асуудлыг хэлэлцэх юм байна.
Дээрх нэр бүхий гурван гишүүн нь нүүрсний хэрэгт нэр холбогдож, Авлигатай тэмцэх газар/АТГ/-т шалгуулах болсон юм. Гэвч мөрдөн шалгах ажиллагаанд УИХ-ын гишүүний халдашгүй байдал, бүрэн эрхийн асуудал нь саад учруулж байгаа тул түдгэлзүүлэн шалгах шаардлага үүсч буй гэдгээ тус газар өнгөрсөн долоо хоногт мэдээлсэн.
Хуульд зааснаар Улсын ерөнхий прокурор нэр бүхий гурван гишүүний бүрэн эрхийг түдгэлзүүлэх хүсэлтийг УИХ-д өргөн мэдүүлэх учиртай. УИХ нь 14 хоногийн хугацаанд багтаан энэ асуудлыг эцэслэх ёстой юм.
