Үнэт цаасны арилжаагаар энэ оны эхний хоёр сард 55.1 тэрбум төгрөгийн гүйлгээ хийж, 189.6 сая ширхэг үнэт цаас арилжжээ. Энэ нь өмнөх оны мөн үеийнхээс гүйлгээ 26.4 (32.4 хувь) тэрбум төгрөгөөр буурч, арилжсан үнэт цаас 113.6 (2.5 дахин) сая ширхгээр нэмэгдсэн аж.
Үнэт цаасны гүйлгээ 2023 оны хоёрдугаар сард 16.6 тэрбум төгрөг болж, өмнөх сарынхаас 21.8 (56.8 хувь) тэрбум, өмнөх оны мөн үеийнхээс 27.2 (62.1 хувь) тэрбум төгрөгөөр багассан байна. Арилжсан үнэт цаас 28.1 сая ширхэг болж, өмнөх сарынхаас 133.5 (82.6 хувь) сая, өмнөх оны мөн үеийнхээс 12.6 (31 хувь) сая ширхгээр багасжээ.
Хөрөнгийн зах зээлийн чиг хандлагыг илэрхийлэх ТОП-20 дундаж индекс энэ оны хоёр дугаар сард 38340.9 нэгж болж, өмнөх сарынхаас 897.4 нэгжээр өсөж, өмнөх оны мөн үеэс 2163.3 нэгжээр багасав.
Хөрөнгийн зах зээлд үйл ажиллагаа явуулж буй хувьцаат компаниудын үнэт цаасны зах зээлийн нийт үнэлгээ хоёрдугаар сард 7 их наяд төгрөг болж, өмнөх сарынхаас 75.9 (1.1 хувь) тэрбум, өмнөх оны мөн үеийнхээс 1.5 (26.6 хувь) их наяд төгрөгөөр нэмэгджээ.
