Монгол улсын Ерөнхийлөгчийн ивээл дор зохиогдож буй мөсөн хоккейн IV дивизионы ДАШТ steppe arena буюу "Мөсөн Өргөө” ордонд өчигдөр эхэллээ. Тэмцээний эхний тоглолт Филиппин, Индонезийн хооронд өрнөж, Филиппиний хожлоор өндөрлөлөө. Харин хоёр дахь тоглолт Монгол Улсын шигшээ баг Кувейттэй учраа таарч 8:0 онооны харьцаатайгаар хожсоноор хүснэгтийн хоёрдугаарт бичигдэж эхэллээ. Манай багийн 11 дугаартай тамирчин М.Чинзолбоо гурван гоолыг эсрэг багийн хаалганд оруулснаар тоглолтын шилдэг тоглогчоор тодров. Дараагийн тоглолт энэ сарын 25-ны 18:00 цагт Филиппин, Монгол Улсын шигшээ баг хооронд болно.
