Саяхан Эквадор улс дахь нэгэн хэвлэл мэдээллийн байгууллагад шуудангаар илгээмж иржээ.
Илгээмж дотор ямар нэг захидал, зурвас байгаагүй ч USB флаш байсан гэнэ. Улмаар нэвтрүүлэгч Ленин Артиеда тус USB флашийг өөрийн компьютерт холбоход флаш ямар нэг мэдээлэл дамжуулалгүй шууд л дэлбэрч, нэвтрүүлэгч шархаджээ.
Эквадорын цагдаагийн ерөнхий газраас мэдээлснээр дээрхтэй ижил илгээмж хэвлэл мэдээллийн таван байгууллагад хүрсэн гэнэ. Аз болоход бусад газар илгээмжийг нээж үзээгүй эсхүл флаш нь дэлбэрээгүй ажээ. Тийнхүү үйл явдлын хүрээнд цагдаагийн газраас мөрдөн шалгах ажиллагааг эхлүүлсэн байна.
Одоогийн байдлаар мөрдөн шалгах ажиллагааны явцад олж мэдсэнээр илгээмжийг Эквадор улсын нэг тосгоноос явуулсан бөгөөд тэсрэх төхөөрөмж нь цэргийн зориулалттай төхөөрөмж байжээ.
Эх сурвалж: BBC
