Олон улсын валютын сан Монгол улсын эдийн засгийн өсөлтийн талаарх таамгаа “1 хувь хүртэл” болгож бууруулжээ. Тус сангийн албан тушаалтан Ангана Банержи хэд хоногийн өмнө Монголд ажиллаж, эдийн засгийн өнөөдгийн нөхцөл байдлын талаар мэдээлэл цуглуулаад буцсан билээ. Түүнийг Монголд ирж эдийн засгийн нөхцөл байдлыг дүгнэж буцсаны дараа ОУВС таамаглалаа ийнхүү бууруулжээ. ОУВС нь өнгөрсөн жил манай улсын эдийн засгийг 2022 онд долоон хувь өснө гэж байсан бол түүнээс хойш үүссэн нөхцөл байдлын улмаас ийнхүү бууруулсан байна.
