2023 оны 3 сарын 24-25-ны өдрүүдэд IX удаагийн “EDUCATION ABROAD” зохиогдож, анх удаагаа танхим болон онлайн хосолсон хэлбэрээр явагдах гэж байна.
“EDUCATION ABROAD” үзэсгэлэн нь хүүхэд залууст мэргэжил сонголтын ментортой уулзах, англи хэл дээр болон хос дипломын хөтөлбөрөөр гуравдагч орнуудад суралцах, ОХУ-ын Засгийн газрын 600 гаруй тэтгэлэг болон ТОП-5 сургуулийн нэрийн тэтгэлгээр суралцах зөвлөгөө мэдээлэл авах, өргөдлөө өгөх, тэтгэлгийн ментортой уулзах, Оросын их сургуулиудын нэрийн олимпиадад оролцох зэрэг олон боломжуудыг олгох юм.
Энэ жилийн үзэсгэлэн нь Оросын соёл, боловсрол, оюуны хөрөнгө оруулалтын төвөөс санаачилсан Монгол Улс, ОХУ-ын боловсролын байгууллагууд хоорондын “Академик түншлэл” хөтөлбөр-ийн хүрээнд зохиогдож буйгаараа онцлог юм. Хөтөлбөрийн гол зорилго нь ОХУ-ын боловсролын байгууллагуудтай хамтын ажиллагааг бий болгосноор шинжлэх ухаан, техник технологи, инновацийн орчин үеийн дэвшилтэт арга, онол, практикийг нэвтрүүлэх, нутагшуулах төсөл, хөтөлбөрүүдийг хэрэгжүүлэх, Монголын хүүхэд залуус, багш мэргэжилтнүүдийг зорилттойгоор ОХУ-д үнэ төлбөргүй суралцуулах, Монгол-Оросын боловсрол хүмүүнлэгийн харилцаа, хамтын ажилллагааг идэвхжүүлэхэд оршино.
Иймд энэ жилийн Үзэсгэлэнгийн хамтран зохион байгуулагчаар Нийслэлийн Боловсролын газар оролцож, “Тэтгэлгийн эзэд” аяны нээлт, Орос хэлний улсын олимпиадын 2 дугаар шатны ялагчдыг зарлах, шагнал гардуулах болон “Нийслэлийн ЕБС-уудын орос хэлний багш нарын хамтарсан өдөрлөг”-ийн хүрээнд “Орос цайны ёслол”, “Орос хэлний багш, сурагчдын бүтээлийн үзэсгэлэн” хийгээд Оросын их сургуулиудын зөвлөхүүдийн олон сонирхолтой танилцуулга, мастер-классууд зохиогдоно.
Түүнчлэн үзэсгэлэнгийн үеэр Монгол-Оросын боловсролын байгууллагуудын хооронд хамтын ажиллагааны уулзалт, хэлэлцээрүүд явагдаж, талууд багш сурагчдын солилцооны хөтөлбөрүүд, СӨБ болон МСҮТ, ЕБС-ийн багш нарын мэргэжил дээшлүүлэх, магистр, докторт тэтгэлгээр суралцах, ОХУ-ын их сургуулиудын бааз суурин дээр дадлага хийх, туршлага солилцох, зуны сургалтын хөтөлбөрүүдэд хамрагдах зэрэг олон салбар чиглэлээр хамтран ажиллахаар хэлэлцэнэ.
Тус үзэсгэлэн нь 2016 оноос эхлэн Монгол улсын Боловсрол, Шинжлэх ухааны яам, Монгол улс дахь ОХУ-ын Элчин сайдын яамны дэмжлэгтэйгээр зохион байгуулагдаж ирсэн бөгөөд үе үеийн нээлтэд тус яамдын сайд нар, Монгол улсын УИХ болон ОХУ-ын Төрийн Думын гишүүд оролцож байсан. Оросын талаас өнгөрсөн хугацаанд үзэсгэлэнд ОХУ-ын 33 муж, хотын 79 их сургууль оролцон, 690 мянган хүн үзэсгэлэн үзэж, үүнээс 5 мянга орчим хүүхэд залуус өнөөдөр ОХУ-д суралцаж байгаа юм.
Эрхэм хүүхэд залуучууд, багш мэргэжилтнүүд, аав ээжүүд, хүссэн хүн бүхнийг дэлхийн боловсролыг дэргэдээсээ олгох “EDUCATION ABROAD” боловсролын үзэсгэлэнд урьж байна.
ҮЗЭСГЭЛЭНД БҮРТГҮҮЛЭХ: https://expo.edurussia.mn/
Үзэсгэлэнгийн талаар дэлгэрэнгүй мэдээлэл: https://edurussia.mn/about-expo
100%-ийн Засгийн газрын тэтгэлгийн мэдээлэл: https://edurussia.mn/gov-scholarship
Тэтгэлгээр сурах боломжтой сургуулиудын мэдээлэл: https://edurussia.mn/universities
Тэтгэлгээр сурах боломжтой мэргэжлүүд: https://edurussia.mn/bachelor
“Тэтгэлгийн эзэд” аяны мэдээлэл:
