Япон улсын ерөнхий сайд Фумио Кишида өдгөө Украин улсад айлчилж байгаа билээ. Тэгвэл лхагва гарагт түүний хэвлэлийнхэнд хандан хэлснээр Япон улсын засгийн газар Украинд 470 сая ам.долларын буцалтгүй тусламж үзүүлэх болжээ.
Түүний хэлснээр, “Бид Украин улсын эрчим хүч үйлдвэрлэлийн салбар болон бусад салбарт зориулан 470 сая ам.долларын буцалтгүй тусламжийг үзүүлэх болно” гэсэн байна.
Буцалтгүй тусламжийн тухай олон нийтэд мэдэгдэхээс өмнө Япон улсын зүгээс Киевийн засгийн газарт 30 сая ам.доллартой тэнцэх хэмжээний үхлийн аюулгүй зэр зэвсэг нийлүүлэхээ мэдэгдээд байсан юм.
Ташрамд дурдахад энэ онд Япон улс “Их 7” бүлгийн ээлжит уулзалтыг улсдаа зохион байгуулах бөгөөд ноён Кишидагийн зүгээс тус уулзалтад Украины ерөнхийлөгч Володимир Зеленськийг цахимаар оролцохыг урьжээ.
Эх сурвалж: ТАСС
