200 гоолын босгыг давж ПСЖ клубийн бүх цаг үеийн мэргэн буучдын жагсаалтыг тэргүүлэх болсон Килиан Мбаппе Францын шигшээ багийн ахлагчаар сонгогдлоо. Тэрээр 24 насандаа Францын хөлбөмбөгийн шигшээ багт ахлагчийн туузтай, манлайллын үүргийг гүйцэтгэх болж байна. Өмнөх ахлагч Уго Льорис шигшээ багаасаа зодог тайлсан тул Францын багийн дасгалжуулагч Дидье Дешам шийдвэр гаргаж, Мбаппег 2024 оны Европын АШТ-ий урьдчилсан шатны тоглолтын өмнө багийнхаа шинэ ахлагчаар зарлав.
2022 онд 56 тоглолтод 56 гоолыг оруулан, хөлбөмбөгийн ертөнц дэх мэргэн буучаар тодорсон Мбаппе өнгөрсөн жил ДАШТ-д найман гоолыг оруулан "Алтан шаахай" шагналыг хүртсэн билээ. Тэрээр шигшээ тоглолтод Аргентиний багийн эсрэг хэттрик хийсэн. Мбаппе шигшээ багийнхаа төлөө 66 тоглолтод 36 гоолыг оруулаад байна.
