“AmCham Mongolia” "Дараагийн Оюутолгой хаана байна вэ" сэдвээр ээлжит уулзалтаа зохион байгууллаа
“Оюутолгой” шиг дараагийн томоохон төслийг хэрэгжүүлэхэд Монгол Улсын эрх зүйн орчин гадаадын хөрөнгө оруулагчдын итгэлийг төрүүлэхүйц байх шаардлагатай гэдэгт Монгол дахь Америкийн худалдааны танхимын (AmCham Mongolia) ээлжит уулзалтад оролцогчид санал нэгдлээ.
Монголын гадаадын шууд хөрөнгө оруулалтын 72 хувь нь геологи, уул уурхайн эрэл хайгуул, олборлолт, газрын тосны салбарт орж ирдэг. Сүүлийн жилүүдэд хайгуулын тусгай зөвшөөрөл зогсонги байдалд орсныг салбарынхан шүүмжилж байгаа юм.
"Ашигт малтмалын тухай шинэчилсэн найруулгад хайгуулын лицензийн төлбөрийг эрс нэмсэн, АМНАТ-ийг эргэж хараагүй, өсөн нэмэгдүүлж тооцохоор тусгасан нь хэцүүхэн л болж" хэмээн Монголын Үндэсний Худалдаа Аж Үйлдвэрийн Танхимын Ерөнхийлөгч байр сууриа илэрхийлсэн юм.
Монгол дахь Америкийн худалдааны танхимын ээлжит уулзалтаар дараагийн “Оюутолгой” аль ч салбарт байж болно. Гагцхүү гаднын хөрөнгө оруулалт татахын тулд хууль эрх зүйн орчныг сайтар хангах нь чухал болохыг онцолж байлаа.