Реппер XXXTentacion-ийг дээрэмдэж амь насанд хүрсэн хэрэгт гурван залуу буруутгагджээ.
24-28 насны залуусын хувьд нэгдүгээр зэргийн хүн амины хэрэг, зэвсэгт дээрэм үйлдсэн хэргээр ял сонсох болсон байна. Тэдний толгойлогч нь 24 настай Трэйвон Ньюсом гэх этгээд байсан бол нөгөө хоёр нь гүйцэтгэгчийн үүрэгтэй хэрэгт оролцжээ. Улмаар хэрэгтнүүд бүх насаараа хоригдох ял сонсох гэнэ.
Реппер XXXTentacion-ийн хувьд 2018 онд дөнгөж 20 насандаа бусдын гарт амиа алдсан билээ.
Хяналтын камерын бичлэгээс үзвэл реппер хэрэг гардаг өдөр найзтайгаа явж байсан бөгөөд тэднийг машиндаа суугаад явахад нэгэн машин замд нь хөндөлсөж, багтай этгээдүүд репперийг буудан хөнөөгөөд 50,000 ам.доллартой LV брэндийг цүнхийг нь авч явжээ. Гэвч тэд түүний найзыг огтоос гэмтээгээгүй юм.
